Día 2 de xuño, martes

Salón de actos da Deputación Provincial

De 19 a 20 horas

Anotacións para a viaxe a Illa de Arousa do día 20.

Día 2 de xuño, martes

ás 20 horas

Salón de actos da Deputación Provincial

Conferencia de Manuel Lara Coira sobre "O patrimonio industrial na illa de Arousa".

De 19 a 20 horas

Anotacións para a viaxe a Illa de Arousa do día 20.

Día 29, 30 e 31 de maio
Saída ás 7,30 horas

Viaxe a Asturias.
Saída ás 7,30 horas.
Día 29. Visitas á mina e poboado de Arnao; Avilés, xantar, visita guiada polo casco histórico e Centro Niemeyer; Oviedo, Hotel de la Reconquista, cea libre.
Día 30. visitas ao poboado mineiro de Bustiello; Socavón de La Rebaldana e Pozu Espinos; xantar en Santa Cruz de Mieres; igrexa prerrománica de Santa Cristina de Lena; San Esteban de Pravia; Oviedo, cea na Capela Real do Hotel de la Reconquista.
Día 31. Visitas á Universidade Laboral de Xixón; ciudadela de Celestino Solar, Paseo Marítimo, xantar, Museo do Ferrocarril. Saída para Lugo.

Día 12 de maio, martes

ás 20 horas

Salón de actos da Deputación Provincial

Coferencia de Miguel Ángel Álvarez Areces sobre "O Patrimonio Industrial en Asturias".

Día 25 de abril, sábado

Saída ás 8,30 horas

Viaxe á Ourense para ver patrimonio industrial.

De 19 a 20 horas

Anotacións para a viaxe do 25 de abril para ver patrimonio industrial na provincia de Ourense.

Día 14 de abril, martes

ás 20 horas

Salón de actos da Deputación Provincial

Conferencia de Felipe Senén. “O patrimonio industrial de Ourense”

De 19 a 20 horas

Anotacións para a viaxe do 25 de abril para ver patrimonio industrial na provincia de Ourense.

1 de febreiro

A primeira para fixémola en Padrón, o lugar lendario onde arribou a barca de pedra que desde Palestina trouxo o corpo de Santiago. Alí visitamos o conxunto do santuario de Santiaguiño do Monte (s. XV – XIX), onde, segundo a lenda, ía rezar o apóstolo despois de predicar.

Pasamos a Rianxo facendo a primeira visita guiada ao Museo do Mar instalado na chamada Casa do Coxo. Na sala do primeiro andar explicáronnos como se pescaba a sardiña ao xeito, así como os distintos tipos de embarcacións reproducidas en maquetas, como era o seu proceso construtivo, o deseño, as ferramentas que empregaban e os distintos sistemas de propulsión, estando tamén a trainera.

Como nese día coincidiu a ofrenda floral a Castelao con motivo do aniversario do seu nacemento. Participamos no acto despois de saír do Museo, nun día de choiva e pasamos despois ao Concello onde houbo unha homenaxe organizada pola Fundación Castelao na que interviñeron o alcalde e o presidente da referida fundación, rematando coa actuación dun grupo folclórico que cantou, entre outras composición, “A Rianxeira”.

11 de febreiro de 2020

Dentro do ciclo dedicado a Ricardo Carballo Calero a profesora Pilar García Negro falou no salón do Vello Cárcere do mellor polígrafo da segunda metade do século XX, segundo afirmou a conferenciante ao inicio da súa intervención, na que mesturou biografía e bibliografía, ambas dúas relacionadas moi estritamente.

Comezou facendo un marco histórico poñendo o foco e acontecementos decisivos: I Guerra Mundial, os estertores da Restauración, ditadura de Primo de Rivera, dita blanda do xeneral Berenguer, II República, alzamento militar de 1936, ditadura de Franco, monarquía parlamentaria, constitución e Estatuto de autonomía de Galicia.

Ricardo Carballo Calero naceu no Ferrol o 30 de outubro de 1910 no seo dunha familia cunha posición social e económica boa. Nun do seu escritos dicía que el tiña un pacto con Deus de xeito que non morrería ninguén da súa familia, pero morreulle un irmán pequeno e cando tiña oito anos a súa nai na primavera de 1919 a consecuencia da epidemia de gripe de 1918. A partir dese momento foi coidado pola avoa e una irmá da súa nai. O pai entra en melancolía e mingua a economía da familia.

14 de xaneiro de 2020

Con esta conferencia do profesor Ramón Reimunde Noreña, catedrático de Lingua e Literatura Galega de Ensino Secundario, comezaron as actividades do ano 2020 que dedica o Día das Letras Galegas ao que foi director do Colexio Fingoi, fundado en Lugo por don Antonio Fernández no inicio dos anos 50 en plena dictadura, o que supuxo non só unha novidade no método senón tamén unha excepción, único en Galicia pola súa concepción do ensino seguindo o modelo da Institutción Libre de la Enseñanza, liberdade de pensamento, mixto, laico e nova relación mestre alumno, anque coas limitacións dos anos 50.

Comezou Reimunde Noreña alertando do que quedaba por ver neste ano no tocante á utilización do persoeiro, querendo adaptar as súas posición políticas e lingüísticas. Haberá moitas homenaxes e actos, conferencias, dous congresos, reedición de obras, libros sobre o autor, e reeditarase "Cativerio de Fingoi", ampliado do que é autor, escrito nos anos 90 é publicado pola Deputación no ano 2010. Por fin, despois de estar agardando 30 anos a Academia Galega dedica o Día Das Letras ao que cualificou como o máis importante lingüista galego do século XX que tocou todos os xéneros.