-
Inicio
-
Multimedia
- Novas LugoPatrimonio
Últimas Novas (501)
Últimas novas da asociación LugoPatrimonio
Festa anual de LugoPatrimonio na casa de turismo rural Da Penela, Mondoñedo
UN MAGO E UN MÚSICO ACOMPAÑARÁN OS ARTISTAS DE LugoPatrimonio NA FESTA “CONTOS, MAXIA E MÚSICA ARREDOR DA LAREIRA”
Será o 12 de decembro do 2015, sábado, na casa de turismo rural Da Penela, Mondoñedo.
 |
 |
| Moncho do Orzán | Davíd Méndez |
Podedes ver máis datos de Moncho do Orzán nesta breve biografía e de David Méndez no seu Facebook: https://www.facebook.com/davidmendezmago.
Quen é Serafín R. Trashorras?
Naceu o 9 de abril de 1970 en Lugo, no Hospital da Milagrosa (actual edificio do xornal O Progreso).
Fillo dunha profesora orixinaria de Castroverde, na súa nenez, pasou longas tempadas na parroquia da Pumarega, non era difícil velo coa súa bicicleta visitando as igrexas dos contornos e facendo fotos ás mesmas, preguntando aos párracos que estilo é esta igrexa?, ou facendo fotos á magnífica torre de Homenaxe de Castroverde.
Foi un dos afortunados raparigos, que viu a película Indiana Jones en busca do Arca Perdida, no Gran Teatro, o que aínda acrecentou máis o seu espírito inquieto, e o seu gusto pola historia.
Estudou o Bacharalato no Instituto “Ánxel Fole” e despois acabou Técnico Superior en prótese dental, empezou o Grado de Xeografía e História pero non chegou a acabalo.
As suas aspiracións laborais foron virando para a fotografía e o vídeo, sin esquecer as lecturas de libros de historia de todas as épocas. Foi cámara ENG de servicios informativos en TVL , e reporteiro gráfico para distintas publicacións. Tamén foi locutor de radio en Cadena 100, nun programa de radio de música rock, e impartiu tamén cursos de fotografía para o Instituto de Formación e Estudos Sociais.
Actualmente é empregado da Excma. Deputación Provincial de Lugo.
En canto ás emisoras que os alemáns construíron nos anos 40, empezou a investigalas xunto ao seu amigo Ánxo Valín Bermúdez,no ano 1999, despois publicaron o primeiro artigo en conxunto no ano 2002,na páxina websubmarinos (unha páxina dedicada á historia e aos submarinos actuais e do pasado).
Tamén publicaron un artigo na revista do Centro de Estudos Chairegos, e en varios diarios locais.
Foi entrevistado na TVG (Dúas ocasións “Xa hai que foi”, e o programa O Explorador; tamén na Canle 4 (Cuarto Milenio).
Entre o ano 2006 e o 2010 mantivo operativas as páxinas www.torresdearneiro.com e www.torresdearneiro.org , pagando do seu peto, o mantemento das mesmas, coa única intención de manter viva a memoria dun patrimonio único da era industrial.
Actualmente ten en Facebook unha páxina que se chama: Torres de Arneiro e outras noticias da historia. Nela habitualmente mostra información sobre as Torres e tamén sobre outros acontecementos da historia de Galicia e do mundo. Actualmente ten case 200 seguidores.Tamén colabora co grupo de facebook Websubmarinos, con reportaxes fotográficas e artigos sobre todo relacionados coa Primeira e Segunda Guerra Mundial.
Viaxe de Lugo Patrimonio a Salamanca, Alba de Tormes e Ávila
Mª Isabel Fernández García
Doutora en Química pola USC e Catedrática de Química Inorgánica da USC (Universidade de Santiago de Compostela ).
A miña carreira desenrólase practicamente en Lugo (excepto 2 anos de Prfa en Santiago mentras preparo a miña Tese de Doutoramento).
Unha das primeiras profesoras do Colexio Universitario de Lugo (1973).
Científica adicada a docencia e investigación na Facultade de Ciencias de Lugo.
Formo parte dun grupo de investigación no que estamos a traballar en campos como:
Química ambiental como a determinaciónde residuos de praguicidas en alimentos (leite, mel, viños..)
Química de coordinacion(compostos com metais) que poden ser usados para medicina (biocatalizadores,....) ou para disminuir a sua toxicidade no medio ambiente
Historia da química, poñer en coñecemento os científicos e científicas galegos e tamén os internacionais
Didática da Química: participación en congresos e xuntanzas cós profesores e profesoras de ensino médio
Libros :4
Premio TESIS DOCTORAL 1975 da Excma Diputación Provincial de Pontevedra (por traballar sobre tema da provincia),
Premio X PREMIO LUISA VILLALTA A INICIATIVAS NORMALIZADORAS 2013 do Servicio de Normalización Lingüistica da Universidade de A Coruña.
Encontro de reperesentantes das asociacións LugoPatrimonio e das Fachas de Castelo
O domingo pasado, día 25 de outubro, tivo lugar un encontro de reperesentantes das asociacións LugoPatrimonio e das Fachas de Castelo para celebrar o Outono cun bo magosto nas ribeiras do Miño que soben a Castelo (Taboada), e para intercambio de experiencias e perspectivas de futuro de ambas as dúas entidades
Aproveitouse tamén para unha ofrenda floral ao arqueólogo, sacerdote e profundo estudoso do románico, Xaime Delgado no cemiterio onde está soterrado.
ANDRÉS DÍAZ PAZOS
Nado en Ferrol, no ano 1968. É licenciado e doutor en Ciencias Físicas pola USC. Entre o ano 1996 e 1998 traballou como investigador post doutoral na Universidade de Cambridge. Neste campo é autor ou coautor de 31 artigos en revistas do máximo nivel internacional. Ten participado en diversos congresos e relatorios e foi invitado pola American Physical Society para abrir unha das mesas do seu congreso anual en Atlanta o ano 1999.
Dende o ano 1998 tamén investiga e colabora en proxectos sobre a historia da ciencia e o patrimonio instrumental, didáctico e documental científico, participando no proxecto de inventario e catalogación dese material en Galicia (USC, 1998). Froito destes traballos son 14 artigos en diversas revistas sobre a materia e relatorios en congresos.
ACTIVIDADES COMPLETAS DO ÚLTIMO TRIMESTRE DO ANO 2015
OUTUBRO
Día 27 de outubro, martes: conferencia do profesor de música de Ensino Secundario Andrés Díaz Pazos sobre A música galega do século XIX, entrando no XX. Será no salón de actos da Deputación ás 20 h.
NOVEMBRO
Día 10, martes: conferencia da profesora María Isabel Fernández García, Catedrática de Química Inorgánica, sobre Científicos e científicas do s. XIX entrando no XX. No salón de actos da Deputación ás 20 h.
Antes desta conferencia, entre 19 e 20 h. anotacións para os seguinte actos:
- Concerto de música do s. XIX no Pazo de Tor (24 de novembro, martes). Saída en bus do lugar habitual ás 17 h.
Prazas limitadas a 50 persoas.
- Festa dos asociados e asociadas de LugoPatrimonio, "Contos e Música arredor da lareira" (12 de decembro, sábado), na Casa da Penela, Mondoñedo (Turismo rural). Saída do lugar habitual ás 9,30 h.
Día 7, sábado, Museo Provincial de Lugo: visita á pintura galega do s. XIX como complemento á conferencia ditada pola museóloga Aurelia Balseiro, a cal guiará o itinerario polos distintos cadros.
Comezo ás 10 h., encontrándose os e as que queiran participar na entrada do Museo Provincial de Lugo ás 9,45 h. De ser numerosos os e as participantes a visita farase por grupos.
Día 24 de novembro, martes
Concerto Valadarestiada- Música galega do s. XIX.
Pazo de Tor (Monforte de Lemos) 24 de novembro de 2015
20 h.
Este concerto realízase no pazo de Tor coa fin de recrear as reunións musicais que se facían na casa da familia do escritor Marcial Valladares, nas que se tocaban músicas de corte culto, canda composicións propias dos membros da familia, e outras de carácter máis popular, que se atopan aínda no arquivo familiar da casa Grande de Vilancosta, na Estrada. Estas reunións musicais eran, por outra banda, algo moi común nesa altura en moitas casas burguesas, o que dará unha visión diferente e descoñecida do contexto musical na Galiza do XIX.
Sobre o arquivo e a música nel contida, fará unha pequena introdución Jose Luís Dopico, que foi, xunto con Isabel Rei, o que promoveu a organización de dito arquivo e a súa transcrición.
Haberá unha introdución do profesor de música André Díaz Pazos sobre os interesantes instrumentos musicais que se conservan no salón do pazo.
Contaremos con:
Isabel Rei Samartim: guitarra clásica
José Luís Dopico Orjais: cavaquinho e percusións
Helena de Alfonso: voz
Alonxo Caxade: frauta e gaita
DECEMBRO
Día 2, mércores : conferencia do investigador Serafín R. Trashorras sobre As torres do Arneiro.Salón de actos da Deputación, ás 20 h.
Día 12, sábado: Festa anual de LugoPatrimonio na casa de turismo rural Da Penela, Mondoñedo. Contaremos con músicos, conta-contos e a valiosa prfesionalidade das nosas asociadas e asociados.
Preparade todas as intervencións que se vos ocorran.
XANEIRO
Día 11, luns: Asemblea Xeral de LugoPatrimonio: cambio de Xunta Directiva e Proxectos para o ano 2016.
Viaxe ao Portugal Templario: 3ª e última parte: Festa dos Tabuleiros e Nazaré
Máis...
MINIBIOGRAFÍA AURELIA BALSEIRO GARCÍA
Nacín fai 48 anos na aldea de Folgueiro, concello de O Vicedo, na mesma casa que miña nai, meu avó e meu bisavó. Con 13 anos meus pais e meus tres irmaos fumos a vivir a Burela donde estudei o Bacharelato e COU. Tamén estudei E.X.B. en Foz e dado que tamén meu pai é de Xove e logo casei en Viveiro cando me preguntan de donde son digo da Mariña en xeral porque teño ligazóns en case todos os concellos mariñáns.
Estudei na Facultade de Xeografía e Historia da USC donde me licenciei coa especialidade de Museoloxía e con grao en 1991, logo fixen o programa de doutoramento en arqueoloxía do departamento de Historia I, pero non rematei a tese (mea culpa). Daquela foi cando a miña profesora e titora Raquel Casal García orientoume cara ao estudo e investigación do ouro prerromano, eido no que continúo a traballar sempre que as obrigas laborais e familiares me deixan.
Comecei no mundo laboral na Administración Local como técnico de actividades socioculturais primeiro no concello de Cervo e logo na Deputación Provincial de Lugo donde gañei a oposición de funcionaria e case unha década despois destes inicios, en 2008, nomeáronme Directora do Museo Provincial de Lugo.
Teño investigado, escrito e publicado sobre diversos temas sempre relativos ao patrimonio cultural galego dende a prehistoria, a historia, a arte, arqueoloxía, camiños de Santiago, museoloxía, etc., pero os tres libros que me editaron atinxen ao ouro e a ourivería prerromana do Noroeste peninsular, eido da miña especialidade.
A miña afición preferida é viaxar e arrastro sempre á miña familia a visitar museos e monumentos ou organízolles excursións “culturais” con calquera disculpa polo que me consideran unha “pesada”, pero no fondo sei que tamén lles gusta.
Lugo en Setembro de 2015