-
Inicio
-
Multimedia
- Novas LugoPatrimonio
Últimas Novas (526)
Últimas novas da asociación LugoPatrimonio
8 de agosto: en lembranza de Irene Vergara Vilariño
O Portugal Templario e a Festa dos Tabuleiros. Programa da viaxe definitivo
ARTISTAS DA PEDRA: ARREDOR DE ANTONIO PALACIOS
VIAXES DE XULLO E AGOSTO 2015
4 de xullo, sábado
ROTEIRO guiado Por Felipe-Senén (Arqueólogo e Museólogo)
Saída do Instituto Lucus Augusti ás 8,30 h.
ARTISTAS DA PEDRA: ARREDOR DE ANTONIO PALACIOS
Trátase de furar e entrar na significación da pedra, como osamenta de Galiza: chan, casa, altar, campa... especialmente farase a través do arquitecto Antonio Palacios Ramilo (1976 Porriño -1945 Madrid)
Despois de deixar o ribeiro do Miño, a Cañiza, entraremos en terras de grandes monstros de pedra coroando a paisaxe, tamén de Músicos, Pontareas, para comenzar a viaxe guiada por:
1- Mondariz, a gran Fonte da Gándara (punto de encontro para os que veñan doutros sitios...logo trasladaranse a Porriño, onde os deixaremos finalmente ó remate da xeira)
2.- Porriño: obras xuvenis galegas de Palacios...e a súa sepultura, as canteiras de Atios
3.- Baiona, a súa Historia de Mar e Pedra e a Virxe da Rocha
4.- A casas galegas de Antonio Palacios en Praia América. O “brutalismo”arquitectónico
5.- O Templo Votivo do Mar en Panxón, summa teolóxica das pedras, os canteiros e as arquitecturas galegas. O Monte Ferro.
6.- O Plan Palacios para Vigo
Do 9 ao 13 de xullo
O PORTUGAL TEMPLARIO E A FESTA DOS TABULEIROS
Saída o día 9, xoves, ás 9 h. do Instituto Lucus Augusti
8 de agosto, sábado
En lembranza de Irene Vergara Vilariño, viaxe a Lóuzara e O Incio
Irene deixounos hai uns días e trátase de facerlle un humilde e sentido recoñecemento á súa obra e hospitalidade que sempre tivo con LugoPatrimonio.
Foi a voz do poeta irmán, Fiz Vergara, cando el non se podía expresar directamente, batalladora incansábel polo noso idioma, cultura e país, sen descanso e desde a grandiosa humildade que sempre a caracterizou. O seu sorriso e sosego ficarán connosco para sempre.
Saída de Lugo (Instituto Lucus Augusti) ás 9 h, con destino a Lóuzara, onde estaremos na casa deSantalla e no cemiterio para lle facer a Oferenda na compañía tamén da súa familia. Nese pequeno circundo tan cantado e andado pola Irene e polo Fiz, miraremos a Casa, o Muíño, o río Lóuzara e os montes apertados que gardan os seus xogos, risos e dores.
Despois sairemos para ver o Parque Arqueolóxico de Santa Mariña, lugar único polas corenta mámoas e tres gravados rupestres que conserva. Arredor das 13 h. chegaremos a Vilasouto onde, ao pé da igrexa románica e nas ribeiras do encoro, pasaremos o resto do día con xantar a base de empanadas, viño, doces e a copa de licor que tanto nos anima. E como o día o vai permitir, darémonos o baño de rigor nas augas mornas do río Mao.
Anotacións durante todo este mes de xullo no tfne. 676 800 227
Lugo, xullo do 2015
LUGOPATRIMONIO CELEBRA O REMATE DA PRIMEIRA FASE DE PROTECCIÓN DA IGREXA ROMÁNICA DE VILASOUTO COS VECIÑOS E VECIÑAS DA ALDEA E MAIS CO REPRESENTANTE DA ÁREA DE CULTURA DA DEPUTACIÓN DE LUGO.
No día 30 de maio, un grupo de asociados e asociadas de LugoPatrimonio, desprazouse a Vilasouto (O Incio), para celebrar cos veciños e veciñas e mais co Vicepresidente da Deputación de Lugo, Antonio Veiga Outeiro, o remate da primeira fase de rehabilitación da igrexa románica de San Mamede, o cal foi loado e agradecido polos presentes, pois significa a salvación dunha igrexa que estaba a piques de esboroarse. Os presentes, aparte dos agradecementos, reclamaron xa e solicitaron o estudo e execución da segunda fase das obras que consisten no uso e rehabilitación final para a consolidación exterior da igrexa e adaptación do interior como Centro de interpretación da historia de Vilasouto e comarca con especial focamento da súa importancia: monumental, grande riqueza dos petróglifos e área arqueolóxia de Santa Mariña que garda 40 mámoas e tres gravados rupestres e co obxectivo tamén de que o futuro Centro sirva como dinamización da economía e turismo da comarca.
Os asistentes desprazáronse posteriormente aos outeiros de Trasmonte onde un dos veciños e activo dinamizador do patrimonio da zona, así como integrante da plataforma que conseguíu esta primeira fase da rehabilitación de San Mamede, Xosé Antonio Corujo lles mostrou os impresionantes petroglifos que cobren os Penedos da Ferradura.
Fotos da Exposición de Picasso na Coruña e Castro de Elviña.
Galego, garantía de futuro
O galego garantía de futuro, ten pasado e presente. É a máis grande obra colectiva do pobo galego. Galiza, o galego, non desaparecerá mentres non deixemos de usalo, mentres nós reivindiquemos a súa normalidade e actuemos no noso día a día para revitalizalo.O galego ten presente porque malia o decretazo contra o galego, as reformas na administración, a limitación de recursos que permitan usalo na xustiza, na sanidade; malia a continua utilización de toponimia deturpada no transporte e sinalización en estradas, vilas e cidades; malia a súa exclusión da igrexa ou de empresas que reciben abondosas axudas públicas; malia todas as dificuldades e exclusións forzosas que nos limitan para vivirmos nel con absoluta normalidade, usámolo sempre, en todo e para todo, facéndoo por nós útil e vivo.
Máis...
Estreamos Facebook
Creamos unha páxina en facebook, o que nos permite unha nova canle de comunicación entre calquera usuario desa rede social e a nosa asociación. Podedes atoparnos en: https://www.facebook.com/lugopatrimonio
Premede na opción "gústame" para seguir no voso muro as últimas novas de LugoPatrimonio.
Non esquezades tamén premer o botón "suscribirme" aos próximos eventos para estar informados ao instante das próximas actividades.
Novas actividades en maio e xullo: Visita á igrexa románica de Vilasouto e viaxe ao Portugal dos templarios.
30 de maio 2015: Visita á igrexa románica de San Mamede de Vilasouto para ver as obras realizadas que acaban de rematar. É unha reivindicación conseguida polo traballo de LugoPatrimonio, os veciños da parroquia, a Área de Cultura da Deputación de Lugo e o Bispado. Loce, agora, a igrexa, o seu lousado novo, os muros sen fendas e a fachada restablecida, freando así o estrago e a destrución á que estaba sometida. A esas institucións, Área de Cultura da Deputación de Lugo e o seu representante Mario Outeiro, ao Bispado, con Miguel Gómez e César Carnero á cabeza, e aos veciños de Vilasouto pola axuda prestada, dámoslles o RAMO de LugoPatrimonio.
Aproveitaremos esta viaxe de medio día para ver tamén algún dos petróglifos da zona, o encoro de Vilasouto e a necrópole de santa Mariña.
Sairemos do lugar habitual ás 10 da mañá. Regresaremos a Lugo arredor das 14 h. Anotacións na páxina de LugoPatrimonio (lugopatrimonio.org) ou no tfne. 676 800 227 até o xoves día 28 de maio.
Do 9 ao 13 de xullo:Viaxe polo Portugal dos Templarios e Festa dos Tabuleiros (Alcobaça, Batalha, Fátima, Tomar...).
Agradecemento a LugoPatrimonio
Reproducimos aquí esta carta que envían os anfitrións do Entroido de Santulhao (Portugal):
Caro Lois Diéguez:
Começo por pedir desculpa por só agora dar resposta ao vosso email.
Não há nada para agradecer, para nós é um prazer receber e acolher quem nos visita e principalmente quem conosco partilha a vontade de manter as tradições.
O Entrudo é para nós uma festa muito popular, é feita para o povo e com o povo. Tentamos preservar e manter viva a festa tal e qual era celebrada pelos nossos antepassados.
Este ano o tempo ajudou, pois não choveu, o que permitiu que a festa fosse ainda mais animada!
Acredite que para nós foi um gosto acolhe-los e esperamos que nos visitem mais vezes!
A minha esposa ficou muito emocionada com as cantigas que nos dedicaram e o copo de xenxinha foi apenas um pequeno gesto de agradecimento pela vossa presença e partilha de culturas.
Agradeço novamente a vossa visita e esperamos do fundo do coração que tenham ficado boas recordações para que nos possam visitar mais vezes!
Um enorme abraço para todos vocês!
Pascoal Padrão
Unha mostra pra ver na Coruña: PICASSO GALEGO
FELIPE SENÉN LÓPEZ GÓMEZ
Por canto diremos abaixo mellor sería falar do Picasso coruñés que galego. O caso é que na cidade -que noutrora foi máis capital e sucursal- vaise facendo o que xa se debera ter feito, cumprindo unha débeda que a Coruña tiña co nome universal de Picasso (Málaga 1881- Mougins 1973). A partir de agora as biografías do xenio non saltarán de Málaga a Barcelona. Por fin asúmense prioridades, realidades en relación coa Historia da cidade, máis alá das virtualidades encargadas por catálogo.