A obra de Castelao é unitaria a pesar dos diferentes formatos de publicación. Comezou como debuxante caricaturista, Na prensa galega publica reflexións do momento político e social en “Cousas da vida”, con debuxos caricaturescos e satíricos, nos que retrata aos galegos, con virtudes e defectos, facéndose popular a frase “Como diría Castelao, cousas de vida”.

Teñen continuación en Cincuenta homes por dez reás, publicada a primeira edición en 1926, que como indica o título, recolle cincuenta debuxos que se poden mercar por 2,50 pesetas, ou 10 reás, onde trata a unha tipoloxía masculina, arquetipos, comezando os textos con “O home que ...”. A conferenciante puxo varios exemplos e comentounos, destacando tamén que Castelao estaba atento ás innovacións para aplicar aos seus traballos, empregando unha tipografía típica en Cousas, e propón ver as edicións antigas. Mestúrase Arte e Literatura, deseño e literatura ou prosa literaria. O debuxo é ilustración.

Daquela falábase de razas, o texto do debuxo de Panchito é un manifesto antirracista. Recólleo nas primeiras páxinas de Sempre en Galiza. Somos fillos da terra onde nos socializamos. En 1922 publica O ollo de vidro, cuxo contido terá vida posterior en Os dous de sempre, onde hai un predominio da arte literaria, non da artística.

Finalizou recomendando a lectura do libro de libros, Sempre en Galiza, por ser unha obra testamental, feita non para os da súa época, senón para a nosa. Posteriormente houbo un longo coloquio.