-
Inicio
-
Multimedia
- Novas LugoPatrimonio
Últimas Novas (543)
Últimas novas da asociación LugoPatrimonio
ESTUDOS INDICAN QUE A IGREXA DE VILASOUTO NO INCIO DEBE SER RECUPERADA ANTES DO INVERNO POR PERIGO DE QUE SE DERRUBE
Isto constatouse na xuntanza celebrada hoxe na Deputación na que participaron membros de LugoPatrimonio, veciños, bispado, Xunta de Galiza e o delegado de Cultura e Turismo da Deputación de Lugo, Mario Outeiro
Lugo, 23 de xullo de 2012. Esta mañá xuntáronse na Deputación de Lugo, seguindo as directrices adoptadas nunha primeira reunión celebrada meses atrás e que fora convocada por LugoPatrimonio, veciños e veciñas de Vilasouto, no Incio, e representantes do Concello do Incio, o delegado de Cultura e Turismo da Deputación de Lugo, Mario Outeiro, así como representantes da Xunta de Galiza e do Bispado, co fin de estabelecer as liñas a seguir a prol do obxectivo común de recuperar a igrexa de Vilasouto, no Incio, que se atopa en mal estado e corre risco de derrubamento xa que ten partes estruturais afectadas.
Nesta xuntanza estudouse o proxecto definitivo para deter o proceso de deterioro tralo que quedou claro que o arranxo da igrexa tería que facerse antes do inverno pois se non é así pode haber perigo de derrubamento da igrexa.
Por consenso, na xuntanza tomáronse unha serie de decisións, comezando por estabelecer xa unha nova xuntanza no mes de setembro na que estean presentes as institucións e colectivos participantes para estudar e debater cal vai ser a súa aportación á hora de sufragar os custes do proxecto de rehabilitación así como definir os usos plantexados unha vez se acometa a recuperación.
Todos os presentes están interesados en evitar a destrución definitiva da igrexa de Vilasouto e en que o posíbel uso da igrexa serva tamén para unha revalorización económica da zona.
VIAXE POR MARROCOS, 3ª parte. AS KASBAHS II
24/3/2012: Viaxe a Campo Lameiro
VIAXE MÁXICA POLOS ENTROIDOS DE MANZANEDA E VILARIÑO DE CONSO
LugoPatrimonio apoia a recuperación do teatro romano de Guadix (Granada)
LugoPatrimonio apoia á Asociación para la conservación del patrimonio de Guadix (Granada) no documento que van entregar ao concello de Guadix solicitando a escavación, restauración e posta en valor do teatro romano.
O teatro romano de Guadix apareceu, de forma fortuíta, no proceso de construción dun aparcadoiro subterráneo en abril de 2008. A través dunhas catas, púidose escavar unha mínima parte, quedando todo paralizado até a data de hoxe. O pouco visible está ao aire libre e sufriu unha gran deterioración, polas inclemencias meteorolóxicas, estancamento de auga, vexetación, etc..
PROGRAMACIÓN DA VIAXE AO ENTROIDO DE MANZANEDA E VILARIÑO DE CONSO
7/2/2012:Conferencia de Óscar López sobre os Entroidos de Manzaneda e Vilariño de Conso
14/01/2012: Visita á Catedral de Lugo
Máis...
PROGRAMA DE ACTIVIDADES PARA O 1º TRIMESTRE DE 2012
Reunión institucional para salvar a igrexa vella de Vilasouto
Despois da chamada de LugoPatrimonio a institucións e veciños, na data de hoxe reuníronse representantes de LugoPatrimonio (Lois Diéguez e Adolfo de Abel), concello do Incio (Laura Celeiro García, alcaldesa), Asociacións veciñais de Vilasouto (Xosé Antonio Vilar Fernández e María Luisa Juiz Gómez ), Bispado de Lugo (César Carnero), Xunta de Galicia (Arquitecto: Pastor Ferreiros Carreira), Deputación Provincial (Delegado Cultura: Mario Outeiro Iglesias), acordando os puntos seguintes:
1º.- Redactar un Proxecto para estudo e arranxo da porta principal e da cuberta e lousado da Igrexa vella de Vilasouto, por parte do Bispado con colaboración de técnicos da Xunta de Galicia.
2º.- Estudo por parte do Concello do Incio dun Proxecto para usos da Igrexa e relación cultural e turística coa contorna máis próxima e os seus monumentos, e en relación tamén con posíbeis itinerarios monumentais e paisaxísticos.
3º- Facer seguimento destes acordos nunha próxima xunta no mes de febreiro.
Lugo, a 20 de decembro do 2011
Coordinación
LugoPatrimonio
 |
| Igrexa de san Mamede de Vilasouto |
 |
| Igrexa de san Mamede de Vilasouto |
 |
| Igrexa de san Mamede de Vilasouto |
 |
| Igrexa de san Mamede de Vilasouto |
 |
| Igrexa de san Mamede de Vilasouto |
 |
| Igrexa de san Mamede de Vilasouto |
LugoPatrimonio elixe nova directiva e dedica un "ramo" e dúas "pauliñas", unha delas ao Defensor do Pobo polo seu desprezo aos dereitos do noso idioma.
Nas asembleas celebradas onte, día 14 de decembro, entre outros puntos acordouse:
- Elixiuse nova directiva composta polas seguintes persoas: Lois Diéguez como presidente; Adolfo de Abel Vilela, vicepresidente; Xosé Anxo Lence, tesoureiro; C. Olga Ventosinos, secretaria; e os vocais: Orlando Viveiro, Carla Mª Campo e Carlos Ferreiro.
- Aprobáronse as actividades para o ano 2012, nas que destacamos: ciclos sobre A arte rupestre: os petróglifos, nos que intervirán, entre outros os arqueólogos Felipe-Senén López e Antonio de la Peña, e viaxes por Campo Lameiro, Mogor ou Monterroso; e Arredor da nosa música, no que se farán Itinerarios musicais por Lugo, Coruña ou Mondoñedo, con etapa final en Viena e Budapest, e no que se estudarán diversas etapas creativas da música galega con persoas especializadas no tema.
Viaxe ao Entroido de Vilariño de Conso no mes de febreiro.
Viaxe de 12 días a Marrocos para coñecer as cidades históricas, as Kasbahs e o deserto, na semana Santa, aberta a quen queira participar, sexa asociado ou non, para o que se terá que informar e anotar no tfne. 676 800 227, antes do 26 de decembro.
Viaxes á Feira do Viño de Vilachá de Salvadur (A Pobra de Brollón), ou "Unha fin de semana no Val do Silencio".
- Aprobáronse Un Ramo (felicitación polas inciativas ou colaboración para a defensa do noso patrimonio), e 2 Pauliñas (crítica por non atender chamadas ou peticións a favor do noso patrimonio), cos textos siguientes:
O RAMO E A PAULIÑA
O Ramo: para a Deputación Provincial de Lugo, Area de Cultura, personificada nos deputados responsábeis Antón Bao e Mario Outeiro, pola súa atención e sensibilidade diante das nosas peticións e proxectos.
A Pauliña 1: para a Xunta de Galicia, Delegación territorial de Lugo, por desentenderse ou calar ante as distintas peticións que lle fixemos e negarse a recibir ás asociacións que traballamos polo Patrimonio.
A Pauliña 2: para o Valedor do Pobo, Benigno López, por solicitar a retirada dun libro de texto de Coñecemento do Medio de 5º de Educación Primaria, no que se reproducía o contido literal do artigo 5º.1 do Estatuto de Autonomía: “A lingua propia de Galiza é o galego”. Esta resolución excede os límites democraticamente permisíbeis e representa unha persecución afervoada contra a nosa lingua e a propia lexislación.
Lugo, 15 decembro 2011
O presidente: Lois Diéguez