-
Inicio
-
Multimedia
- Novas LugoPatrimonio
Últimas Novas (526)
Últimas novas da asociación LugoPatrimonio
VIAXE POR MARROCOS. 1ª parte: CIDADES IMPERIAIS
Dípticos dos ciclos COÑECER A NOSA MÚSICA e COÑECER OS PETROGLIFOS
Parabéns a O Sorriso de Daniel polo Premio da Crítica 2012 á Mellor Iniciativa Cultural
Anosa alegría e satisfacción por teren levado este recoñecemento plenamente merecido.
Que o noso traballo a favor do patrimonio material e inmaterial siga adiante a pesar das dificultades.
Unha aperta moi forte en nome de LugoPatrimonio.
Lois Diéguez, presidente de LugoPatrimonio
Vivir a nosa música (Itinerarios musicais pola Coruña)
NOVA REUNIÓN DE DISTINTAS ENTIDADES PARA SALVAR A IGREXA DE VILASOUTO
Reunidas as seguintes entidades cos seus e as súas respectivas representantes: Deputación de Lugo-Area de Cultura, Concello do Incio, Bispado de Lugo, Veciños e veciñas de Vilasouto-O Incio, e A.C. LugoPatrimonio, para continuar o estudo e alternativas sobre o estado da Igrexa de Vilasouto, acordaron os puntos abaixo detallados :
- O Bispado e Deputación de Lugo, xunto con concello do Incio comezarán inmediatamente co estudo das accións legais encamiñadas á execución da obra inical necesaria para atallar o derrubo da Igrexa de Vilasouto.
- Ditas institución e mais os veciños e veciñas de Vilasouto aportan xa unha contía económica na perspectiva de completar a cantidade final necesaria para os arranxos máis necesarios e urxentes da obra.
- Actuará como promotor da obra o Bispado de Lugo por ser o propietario da Igrexa, iniciando así a redacción do Convenio coa Institución ou institucións que colaboran neste Proxecto.
- Unha vez que o dito anteriormente estea completamente definido convocarase outra reunión na que se considera importante a asistencia do Departamento correspondente da Xunta de Galicia, para que concrete o seu interese e apoio se así o considera.
Lugo, a 28 de setembro do 2012.
PROGRAMACION PARA O 4º TRIMESTRE 2012
FALECEMENTO DE DON XAIME DELGADO
Con sentido pesar damos a noticia do falecemento do noso Socio de Honra o crego don Xaime Delgado Gómez, que nos acompañou como guía experto en numerosas viaxes.
Nos últimos anos preocupouse de reunir en varios libros, editados á súa costa, os artigos publicados en diarios e revistas especializadas, o que el chamaba “hojas volanderas” porque se perdían. Precisamente no ano 2010 o Sevicio de Publicacións da Deputación Provincial de Lugo publicou “A Biblia na iconografía pétrea lucense”, a súa obra magna na que recolle todos os estudos dedicados a este tema que saíron en diferentes revistas incluíndo tamén o seu primeiro e gran traballo, a súa tese sobre o conxunto paleocristián de Temes.
A diocese de Lugo perde hoxe a un dos seus sabios sacerdotes, como no seu día o foron Francisco Vázquez Saco, Antonio García Conde e Amador López Valcárcel.
O seu labor desinteresado na parcela do patrimonio cultural foi importante e frutífera, non só desde a Comisión Provincial de Patrimonio senón tamén desde a Comisión Mixta Xunta Igrexa, achegando a súa opinión experta e elaborando numerosos informes sobre o estado de igrexas da diocese.
Lugopatrimonio sentimos sinte profundamente a perda deste humilde e sinxelo pero grande sacerdote.
Breve síntese do contido histórico-cultural do Complexo de Temes
As fachas do Folión de Castelo
A plataforma "Muralla Viva" denuncia o uso do glifosato pola Xunta para "limpar" a muralla de Lugo
Máis...
ESTUDOS INDICAN QUE A IGREXA DE VILASOUTO NO INCIO DEBE SER RECUPERADA ANTES DO INVERNO POR PERIGO DE QUE SE DERRUBE
Isto constatouse na xuntanza celebrada hoxe na Deputación na que participaron membros de LugoPatrimonio, veciños, bispado, Xunta de Galiza e o delegado de Cultura e Turismo da Deputación de Lugo, Mario Outeiro
Lugo, 23 de xullo de 2012. Esta mañá xuntáronse na Deputación de Lugo, seguindo as directrices adoptadas nunha primeira reunión celebrada meses atrás e que fora convocada por LugoPatrimonio, veciños e veciñas de Vilasouto, no Incio, e representantes do Concello do Incio, o delegado de Cultura e Turismo da Deputación de Lugo, Mario Outeiro, así como representantes da Xunta de Galiza e do Bispado, co fin de estabelecer as liñas a seguir a prol do obxectivo común de recuperar a igrexa de Vilasouto, no Incio, que se atopa en mal estado e corre risco de derrubamento xa que ten partes estruturais afectadas.
Nesta xuntanza estudouse o proxecto definitivo para deter o proceso de deterioro tralo que quedou claro que o arranxo da igrexa tería que facerse antes do inverno pois se non é así pode haber perigo de derrubamento da igrexa.
Por consenso, na xuntanza tomáronse unha serie de decisións, comezando por estabelecer xa unha nova xuntanza no mes de setembro na que estean presentes as institucións e colectivos participantes para estudar e debater cal vai ser a súa aportación á hora de sufragar os custes do proxecto de rehabilitación así como definir os usos plantexados unha vez se acometa a recuperación.
Todos os presentes están interesados en evitar a destrución definitiva da igrexa de Vilasouto e en que o posíbel uso da igrexa serva tamén para unha revalorización económica da zona.