Domingo, 08 Outubro 2023 22:06

Viaxe a Santiago de Compostela para visitar a exposición, “Luz na terra. O Seminario de Estudos Galegos: unha institución de alta cultura”

30 de setembro

Comezamos a actividade cunha visita guiada polo complexo da Cidade da Cultura, primeiro no interior do edificio denominado “Museo”, diante das dúas maquetas que reproducen o proxecto de Peter Eisenman, pasando despois a ver as principais características do edificio fronte a estrutura da fachada interior orientada ao norte. Saímos despois ao exterior para ver os espazos axardinados nos ocos que estaban destinados a edificios que non se construíron rematando no destinado á Biblioteca e ao Arquivo.

Xa no interior visitamos as tres exposicións que están abertas, a de fotografía de Nicolas Muller, “Vento Norte”, que presenta principalmente fotografías dun alto valor etnográfico, feitas nos anos 60 do século XX, en Galicia, Asturias, Cantabria, Euskadi e Navarra, como encargo para ilustrar varios libros. Tamén as hai de Portugal e Marrocos.

 

A segunda exposición era a obxecto da viaxe, “Luz na terra. O Seminario de Estudos Galegos: unha institución de alta cultura” conmemorativa da súa fundación en Ortoño (Ames) o 12 de outubro de 1923, co fin de impulsar a modernización cultural e científica de Galicia, establecendo contactos con outras institucións semellantes de España, Portugal, Bretaña, Irlanda, Reino Unido e Alemaña. A mostra contén numerosa documentación, publicacións, cartas, manuscritos, debuxos, esquemas, fotografías e obxectos singulares relacionados coa actividade e a historia do Seminario.

A terceira exposición visitada estaba dedicada ao “Traballo en equipo. 30 anos do CGAC”, que como se desprende do título conmemora a creación e posta en funcionamento do Centro Galego de Arte Contemporánea, na que se poden ver obras e instalacións procedentes dos fondos do Centro. Pola tarde fixemos unha vista guiada polo CGAC acompañados por Susana Varela Negro, que non só nos explicou as características arquitectónicas do edificio proxectado por Álvaro Siza Vieira, senón que vistamos a segunda exposición conmemorativa montada cos fondos artísticos nas diversas salas do Centro.

Enviar un comentario

Por favor, asegúrese de ter introducida a información marcada con (*). O código HTML non está permitido.

Busca nesta web

Próximos actos

  • Conferencia de Juan David Díaz López sobre “A arquitectura do eclecticismo: pompa e fantasía para a cidade burguesa”. +

    Día 27 de febreiro, martes Salón de actos da Deputación Provincial Conferencia de Juan David Díaz López sobre “A arquitectura Ler Máis
  • Anotacións para a viaxe do 16 de marzo aos pazos de Oca e Santa Cruz de Rivadulla +

    Día 27 de febreiro, martes De 19,30 a 20 h., anotacións para a viaxe do 16 de marzo aos pazos Ler Máis
  • Conferencia sobre as camelias por Carmen Salinero Corral +

    MARZO Día 6, mércores Conferencia sobre as camelias por Carmen Salinero Corral. De 19,30 a 20 h., anotacións para a Ler Máis
  • 1

O RAMO

Seccións

  • Colaboracións +

    artigos publicados por colaboradores de LugoPatrimonio Ler Máis
  • O Ramo +

    sección O Ramo da revista Na Xanela Ler Máis
  • A Pauliña +

    sección A Pauliña da revista Na Xanela Ler Máis
  • Fotolog +

    sección de fotografías Ler Máis
  • 1

ACCESO