Mércores, 28 Novembro 2018 21:53

Viaxe a Santiago de Compostela

Día 24 de novembro, sábado

A viaxe a Santiago de Compostela tivo como finalidade facer a vista homenaxe ao Museo do Pobo Galego unha vez cumpridos os seus 40 anos de vida. Aproveitamos para ver no Museo da Cidade da Cultura a exposición "Castelao maxistral. A boa obra ao mestre honra", unha visita que foi guiada por Javier Raposo Martínez. Comezou comentando a foto da inauguración do cadro "A derradeira leición do mestre", dedicado ao fusilamento de Alexandre Bóveda na Caeira (Poio) o 17 de agosto de 1836, que tivo lugar no Centro Ourensán de Bos Aires o 17 de agosto de 1845, coincidindo co noveno aniversario do asasinato. A obra está baseada na estampa número 6 de Galicia Mártir que pintou Castelao cando xa estaba case cego.

Tamén hai os debuxos ou caricaturas, coas súas lendas, nas que Castelao defende un ensino público libre, universal e en galego. En realidade é unha homenaxe a máis de 900 mestres e mestras fusilados que pertencían ou seguían os métodos da Intistución Libre de la Enseñanza, na súa maioría republicanos e galeguistas.

Despois visitamos en Fonseca a exposición "Con Galiza sempre no horizonte" dedicada a Camilo Díaz Baliño (1889-1936), tamén fusilado polas súas ideas, e ao seu fillo Isaac Díaz Pardo (1920-2012). Na sala do Artesoado estaban obras e fotografías de Camilo Díaz que chegou de Ferrol a Santiago en 1920 para traballar de escenógrafo da empresa teatral de Isaac Fraga. Tamén será cartelista, facendo para o Concello os das festas do Apóstolo, e tamén para empresas privadas, como a empresa Castromil de transporte, tamén había tres do referendo do Estatuto de Autonomía, e portadas de revistas, especialmente Lar, e libros. Destacan catro alegorías, no estilo Art-Déco, sobre as cidades de A Coruña, Lugo, Ourense e Pontevedra, que fixo para a emisora Radio Santiago inaugurada en 1933. A exposición remata cos retratos a lapis doutros amigos feitos na cadea que tamén foron fusilados, e dous pequenos cadros que representan un a tres seminaristas e o outro a tres cóengos.

Na sala da capela gótica están algunhas obras de cerámica feitas por Isaac Díaz Pardo en Arxentina, fotografías e deseños de Carlos Maside, con referencia á creación do Laboratorio de Formas de Galicia, coas cerámicas do Castro e Sargadelos.

Despois de xantar visitamos o Museo do Pobo Galego acompañados de Xosé Manuel González Rebordo, membro do padroado, facendo un percorrido polas salas, e como deferencia especial, visitando as bibliotecas e un dos almacéns. Ao rematar visitamos na igrexa de San Domingos de Bonaval a exposición "Alba de Gloria", dedicado ao célebre discurso de Castelao radiado desde Bos Aires o 25 de xullo de 1948, con motivo do día de Galicia, que se puido escoitar íntegro.

Enviar un comentario

Por favor, asegúrese de ter introducida a información marcada con (*). O código HTML non está permitido.

Busca nesta web

Próximos actos

  • Conferencia sobre as camelias por Carmen Salinero Corral +

    MARZO Día 6, mércores Conferencia sobre as camelias por Carmen Salinero Corral. De 19,30 a 20 h., anotacións para a Ler Máis
  • Anotacións para a viaxe do 20 de abril a Cambados +

    MARZO Día 6, mércores Conferencia sobre as camelias por Carmen Salinero Corral. De 19,30 a 20 h., anotacións para a Ler Máis
  • Viaxe para ver os pazos de Oca e Santa Cruz de Rivadulla +

    Día 16, sábado Viaxe para ver os pazos de Oca e Santa Cruz de Rivadulla. Saída ás 8,30 h. Ler Máis
  • Táboa Redonda sobre a vida e a obra de Luisa Villalta +

    Día 19, martes Táboa Redonda sobre a vida e a obra de Luisa Villalta, persoeira das Letras Galegas 2024. Interveñen Ler Máis
  • 1

O RAMO

Seccións

  • Colaboracións +

    artigos publicados por colaboradores de LugoPatrimonio Ler Máis
  • O Ramo +

    sección O Ramo da revista Na Xanela Ler Máis
  • A Pauliña +

    sección A Pauliña da revista Na Xanela Ler Máis
  • Fotolog +

    sección de fotografías Ler Máis
  • 1

ACCESO