Xornada de información e debate sobre a conservación e destino do Cuartel de San Fernando
Día 14 de outubro, venres
desde as 10 horas
Salón de actos da Deputación Provincial
Xornada de información e debate sobre a conservación e destino do Cuartel de San Fernando
Ás 10 horas
Sesión de apertura polo Presidente de LugoPatrimonio e a deputada de Cultura da Deputación Provincial.
10,15 horas
Conferencia de Adolfo de Abel Vilela, doutor en Xeografía e Historia, presidente de Lugo Patrimonio.
"O Hospital de Inhábiles e cuartel de San Fernando. Orixe e destino". Presentación Julia Cantalapiedra Álvarez.
11 horas
Alberte González Rodríguez, Jorge Salvador Fernández, arquitectos, e Felipe Senén López, museólogo.
."O que non se debe facer nun edificio BIC. Ideas e propostas para a rehabilitación do Cuartel de San Fernando para Museo Arqueolóxico". Presenta Adolfo de Abel Vilela
12 a 12,30 horas
Descanso
12,30 horas
Mesa redonda con asociacións culturais. Presenta e modera Branca Rodríguez Pazos.
17,00 horas
Felipe Arias Vilas, museólogo.
"Como debe ser o Museo Arqueolóxico Galaico Romano". Presenta Carolina Casal Chico.
18,30 horas
Lectura das conclusión e clausura da xornada pola deputada de Cultura da Deputación Provincial.
Conferencia de José Miguel Andrade Cernadas
Día 30, venres
ás 20 horas
Salón de actos da Deputación Provincial
Ciclo dedicado á Ribeira Sacra
Conferencia de José Miguel Andrade Cernadas, profesor titular de Historia Medieval USC, " A Ribeira Sacra: a versatilidade do monacato medieval galego".
Primeira viaxe á Ribeira Sacra
Día 17, sábado
Primeira viaxe á Ribeira Sacra
E teredes que plantar viñas...
Saída ás 8 horas
Visitas a Ribas de Sil, Santo Estevo e Pombeiro, San Vicenzo. Inclúe ver a creación e recuperación de socalcos de Xan Rodríguez
Anotacións para as viaxes do día 17 de setembro, á Ribeira Sacra e a viaxe dos días 5 e 6 de novembro a Toro e Zamora
Día 8, xoves
Entre 19 e 20 horas
Anotacións para as viaxes do día 17 de setembro, á Ribeira Sacra e a viaxe dos días 5 e 6 de novembro a Toro e Zamora para ver Las Edades del Hombre. Prezo de Toro-Zamora 110 € en habitación dobre e 125 € en simple.
Conferencia de Carolina Casal Chico
Día 8, xoves
ás 20 horas
Salón de actos da Deputación Provincial
Ciclo dedicado á Ribeira Sacra
Conferencia de Carolina Casal Chico, Conservadora do Museo Diocesano Catedralicio de Lugo "Rivoyra Sacrata... divinita inspirata...".
Antes deste acto, entre 19 e 20 h. anotacións para as viaxes do día 17 de setembro, á Ribeira Sacra e a viaxe dos días 5 e 6 de novembro a Toro e Zamora para ver Las Edades del Hombre. Prezo de Toro-Zamora 110 € en habitación dobre e 125 € en simple.
CONFERENCIA SOBRE "O CAMIÑO PRIMITIVO EN ASTURIAS: HISTORIA E HISTORIAS"
O día 14 de xullo celebrouse a última conferencia do ciclo dedicado ao Camiño Primitivo. Estivo a cargo de María Josefa Sanz Fuentes, catedrática no departamento de Ciencias e Técnicas Historiográficas da Facultade de Xeografía e Historia da Universidade de Oviedo e Cronista Oficial de Avilés, que falou sobre "O Camiño Primitivo en Asturias: historia e historias". Ao longo da súa disertación foi facendo un percorrido desde Oviedo ata a Fonsagrada, relatando as vicisitudes polas que pasaron os que foron pioneiros en reclamar este Camiño, e como se foi creando infraestructura para servir ao peregrino. As anécdotas tamén estiveron presentes na charla.
ROTEIRO POR TERRAS DE CASTROVERDE
O 9 de xullo de 2016, e dentro do ciclo dedicado ao Camiño Primitivo, dezaseis socios guiados por Ricardo Gómez Polín, fixeron un percorrido polas terras de Castroverde. Comezaron cunha xira ao núcleo paisaxístico e monumental de Soutomerille, seguindo ao conxunto monumental de Santa María de Vilabade e a Ermida da Nosa Señora do Carme. Despois de xantar visitaron o burgo medieval da Fortaleza, onde está a orixe da vila de Castroverde, e o pazo de Carballedo (Pena),
CHARLA DE LUGOPATRIMONIO SOBRE "O CAMIÑO PRIMITIVO, TRAZADO ASTUR-GALAICO"
O día 7, de xullo celebrouese no salón de actos da Deputación Provincial, a terceira conferencia do Ciclo dedicado ao Camiño Primitivo que estivo a cargo de Laureano García Díez, coordenador das Agrupacións de Asociacións dos Camiños do Norte.
Fixo a presentación o presidente Adolfo de Abel Vilela, que destacou como había vintecinco anos que García Díez empezara en Tineo coa Asociación Astur-galaica del interior, para promover esta rota, hoxe declarada Patrimonio da Humanidade. Preside tamén a Agrupación de Asociaciones del Camino del Norte, País Vasco, Cantabria, Asturias y Galicia, que agrupa a vintetrés asociacións.
Comezou facendo unha breve introdución sobre a invención do sepulcro do Apóstolo e o feito de que o Camiño Primitivo fose a primeira rota xacobea, relacionada coa catedral do Salvador de Oviedo e con Afonso II, o primeiro rei que peregrinou a Santiago. Despois foi comentando as distintas etapas, sete, nas que se pode facer o camiño de Oviedo a Melide, lugar onde se xuntan todos os camiños que van a Compostela, mencionando capelas, mosteiros e hospitais.
VIAXE A SANTIAGO
Dentro do ciclo "O Camiño Primitivo onte e hoxe", LugoPatrimonio fixo unha viaxe a Santiago de Compostela o 25 de xuño para visitar o novo Museo das Peregrinacións, que anque xa se visitara na antiga sé, nesta ocasión foi para ver a súa nova instalación no antigo edificio do Banco de España na Praza das Praterías. A visita guiada durou máis dunha hora. Hai que destacar a calidade da nova montaxe e o seu discurso expositivo que comeza na planta cero facendo unha introducción ao fenómeno das peregrinacións no mundo e remata na planta terceira coas vitrinas dedicadas ao traballo dos acibecheiros, prateiros e gravadores de Santiago. Despois subiron ata a última planta para gozar das vistas da catedral.
Pola tarde fixeron unha visita guiada a exposición "Con fío en Galicia", no Museo da Cidade da Cultura, cun discurso que comeza no paleolítico, cunha agulla de oso da cova Eiros de Triacastela, e remata cunha pasarela con vestidos femininos e masculinos dos deseñadores galegos. Ao longo de 300 pezas de distintas épocas, centra a atención no téxtil galego que comezou a desenvolverse nos anos 50 do século pasado, recreando esta historia pinturas, obxectos e documentos. De ambas dúas visitas os viaxeiros quedaron moi satisfeitos.