Carlos Villanueva é catedrático de Hª da Música da Universidade de Santiago de Compostela, recibindo a súa formación musical no Seminario de Lugo, baixo o maxisterio de Xosé Castiñeira. Publicou ao longo destes anos, como autor ou como editor, importantes monografías de referencia sobre a interpretación do instrumentos medievais e a súa simboloxía: El Pórtico de la Gloria, Música, Arte y Pensamiento, Los Sonidos del Pórtico de la Gloria, El Códice Calixtino y la Música de su tiempo, asi como numerosas monografías sobre música Galega: o cancionero de Casto Sampedro, ou a biografía de Xesús Bal y Gai, entre outras, temática que presentou en diversos congresos en España, Europa e nos EEUU, así como en gravacións co seu grupo In Itinere, co que conseguiu en 1984 o Premio Nacional de Discografía con A Música no Camiño de Santiago (Hispavox). Foi codirector do proxecto de Construción dos Instrumentos do Portico da Gloria, patrocinado pola Fundación Barrié (1989-2004). Foi en tres ocasiones Profesor visitante do Departamento de Música da Universidade de Pennsylvania (USA); Premio da Crítica Galicia 1982 e 1986 e co seu grupo In Itinere recoñecido como Galegos do Mundo 2002, galardón que outorga o diario El Mundo.