Esta páxina é provisional, en breve iremos habilitando os distintos apartados
ASOCIACION
A
Asociación ten como campos de traballo:
Sección
Obras que fan a historia
Trata do recoñecemento aos estudosos e
estudosas da nosa historia, contemplando esta no seu sentido máis
amplo. Este apartado levará consigo a edición da obra
que non teña un carácter estritamente comercial.
Sección
Coñecer o Patrimonio
Comprende todo tipo de actos como conferencias,
debates, viaxes, etc. que leven a un coñecemento do noso patrimonio
material e inmaterial.
Sección Unha chamada a tempo
LugoPatrimonio ofrece asesoramento a toda persoa ou colectivo que necesite
aclaracións ou axuda sobre calquera aspecto do noso patrimonio.
Obxectivos
Son fins principais da asociación:
a.-Defensa, promoción e uso do idioma galego no camiño da súa normalización, pois representa a maior riqueza patrimonial creada polo pobo galego. A este fin, o idioma galego é a expresión propia e oficial usada en todos os ámbitos da Asociación.
b.- Defensa do Patrimonio material e inmaterial recollido este no seu sentido máis amplo e dentro do territorio da provincia de Lugo.
c.- Promoción e realización de actividades de todo tipo encamiñadas á súa divulgación e xeral coñecemento.
d.- Edición e propagación de traballos que o popularicen.
e.- Cantas outras actividades lícitas que sexan da conveniencia e dos intereses comúns dos asociados e asociadas.
LugoPatrimonio, amais do seu carácter reivindicativo, ten
tamén como fins a busca de solucións e proxectos que axuden
a resolver o deterioro, esquezo ou silenciamento do noso patrimonio.
Criterios xerais de actuación
Ao ter carácter provincial, LugoPatrimonio realizará actos
por toda a provincia en colaboración, sempre, coas entidades locais,
de tipo cultural, de defensa do patrimonio ou calquera outro, que estexan
interesadas na difusión e conservación do noso patrimonio.
As Viaxes programadas por LugoPatrimonio serán presentadas polos
guías que as dirixan nun acto público anterior á
propia viaxe, no que se dará a coñecer o itinerario e os
puntos e monumentos a visitar.
